💫தீபாவளி💫

💫Deepawali(தீபாவளி) vs Dewali(தீவாளி)

இரண்டிற்கும் வேறுபாடு தெரியாமல் நேற்றுப் பலரும் வாழ்த்துக்களைப் பகிர்ந்ததை பார்க்கும் போது மனது வலித்தது. நாம் கொண்டாடும் தீபாவளி பண்டிகை அன்றுதான்  இந்தியாவின் வடபகுதியில் தீவளி அல்லது தீவாளி என்ற பண்டிகையும் கொண்டாடப்படுகிறது. இது கூடத் திட்டமிட்ட ஒரு செயலாகவும் இருக்கலாம். தீவளி என்பதற்கும் தீவாளி என்பதற்கும் வேற்றுமை மிகச் சிறியதாகும். ஆனால் தீபாவளிக்கும் தீவாளிக்கும் எந்தத் தொடர்புமில்லை என்பது பலருக்குத் தெரியவில்லை என்றே தோன்றுகிறது. தீபாவளி என்பது என்னவென்றால், தீ என்பது நெருப்பு. பா-வினைச்சொல் பரவுதல். வளி - காற்று.  இது தீ பரவும் காற்று என்று பொருள் தருகிறது. இது வினைத்தொகை, இதில் ஐந்து பூதங்களில் இரண்டு தரப்பட்டு ஒரு சொல்லாகியுள்ளது.  ஆகவே தீபாவளி என்பது இயற்கை  ஆற்றல்களுக்கு எடுக்கப்படும் ஒரு விழா  என்றும் பொருள் கூற வேண்டியுள்ளது. புரியும்படி கூறுவதென்றால் அக்கினி பகவானுக்கும், வாயு பகவானுக்கும் எடுக்கும் விழா ஆகிறது. தீக்கெல்லாம் மூலமாவது சூரியன் அது சூரியனையும் உள்ளடக்கும். தீபத்தையும் உள்ளடக்கும். தீயைப் பரப்பும் காற்றும் அதில் அடங்கிவிடும்.

தீபாவளிக்கு எண்ணிறந்த விளக்கங்கள் உள்ளன. மிகப் பழங்காலத்தில் அக புற இருள் அகற்றி எங்கும் ஒளிமயமாக திகழ தீப ஒளியாக தீபாவளி கொண்டாடப்பட்டது, தீபங்களின் வரிசை அல்லது நிரல் தீப ஆவலி என்னும் நாட்டியமாகவும் அது கொண்டாடப்பட்டது. இயற்கையை வழிபட்ட விழாவாகவும், எண்ணெய்க் குளியல் செய்து, எங்கள் முன்னோர்களை வணங்கி அவர்களுக்குப் பிடித்த உணவுகளை ஆக்கிப் படைத்த விழாவாகவும் கொண்டாடப்பட்டது அதனை தென்புலத்தார் வழிபாடு என்றும் அழைப்பார். இன்றும் இந்தியாவின் தெற்கிலும், மற்றும் எங்களின் இனங்கள் செறிந்து வாழும்  இடமெங்கிலும் இவ்வாறே கொண்டாடப்படுகிறது. எங்கள் வீடுகளிலும் இதுவே காலங் காலமாக பின்பற்றப்படுகிறது.

நரகாசுரன் வதம் தானே தீபாவளி என்று நீங்கள் நினைக்கலாம். சிறுவயதில் படித்தும் இருக்கலாம். இந்து தொன்மவியலின்படி திருமாலின் வராக அவதாரத்திற்கும், பூமாதேவிக்கும் பிறந்தவர் நரகாசுரன் ஆவார். இவர் தன்னுடைய பெற்றோர்களால் தான் மரணம் ஏற்பட வேண்டும் என்ற வரம் வாங்கியதாகவும், அதன் காரணமாக திருமாலின் கிருஷ்ண அவதாரத்தில் பூமாதேவி சத்தியபாமாவாக பிறந்து நரகாசுரனைக் கொன்றதாகவும் நம்பிக்கை நிலவுகிறது. இந்த வரலாறு இடைச்செறுகல் தான். ஆரியர்களின் வழி வந்தவைகளில் இதுவும் ஒன்று என்பது தெட்டத் தெளிவு.

வட இந்தியர்களால் கொண்டாடப்படும் தீவாளி என்பது இராமன் இராவணேசுவரனை வெற்றி கொண்டதையும், இராமன் பதினான்கு ஆண்டுகள் காட்டில் இருந்துவிட்டு நாட்டுக்கு வந்ததையும், சீதையின் அக்கினி நிகழ்வையும் நினைவு கூர்ந்தே நடக்கிறது. இவர்களின் தீவாளிக்கும் எமக்கும் எந்தத் தொடர்பும் இல்லை. இனியாவது எமது மதிப்புமிக்க வரலாற்றைத் தெரிந்து கொண்டு பண்டிகைகளைக் கொண்டாடி மகிழ்வோம், எமது அடுத்த சந்ததியினருக்கும் இதைக் கொண்டு செல்வோம். எங்களின் பண்டிகைகள் இயற்கையுடன் இணைந்தவை. யாரையும் வெற்றி கொண்டோ, அல்லற்ப் படுத்தியோ கொண்டாடுபவை அல்ல. சிங்கப்பூரில் எனது பிள்ளைகள் எமது வரலாற்றை தமது ஏட்டுக் கல்வியில் தெரிந்து வைத்து பண்டிகைகளைக் கொண்டாடி மகிழ்கின்றனர் என்று கூறுவதில் மகிழ்ச்சியாகவுள்ளது.

தமிழ் அன்னை!

காதொளிரும் குண்டலமும் கைக்குவளை

யாபதியும் கருணைமார்பின்

மீதொளிர் சிந்தாமணியும் மெல்லிடையில்

மேகலையும் சிலம்பார்இன்பப்

போதொளிர் பூந்தாளிணையும் பொன்முடிச்

சூளாமணியும் பொலியச்சூடி

நீதியொளிர் செங்கோலாய்த் திருக்குறளைத்

தாங்குதமிழ் நீடுவாழ்க!

தமிழன்னையின் காதினில் குண்டலங்களாக, ஐம்பெரும்காப்பியங்களுள் ஒன்றான குண்டலகேசி ஒளிர்கின்றது. கைகளில் அணிந்த வளைகளாக வளையாபதி எனும் காப்பியம் திகழ்கின்றது. கருணை பொருந்திய அத்தமிழன்னையின் மார்பில் (சீவக)சிந்தாமணி எனும் ஆரம் ஒளிவீசுகின்றது. அன்னையின் மெல்லிய இடையில் (மணி)மேகலை அணியப்பட்டுள்ளது. அவளுடைய திருவடிகள் சிலம்பார் இன்பப் போதொளிர்பவை- அதாவது சிலம்புகளை (சிலப்பதிகாரம்) அணிந்த திருப்பாதங்கள். சிலப்பதிகாரத்திற்கு மட்டும் ‘சிலம்பார் இன்பப்போது’ எனும் அடைமொழி ஏன்? சிலப்பதிகாரத்தைப் படிப்பவர்கள் அடையும் மகிழ்ச்சி, பெருமிதம், ஆகியன இன்பமயமானவை. ஆகவே அத்தகைய பெருமை பொருந்திய சிலம்பினை அணிந்துள்ள தமிழ்த்தாயின் திருவடிகள் இன்பம் மிகுந்த அழகான மலர்களால் அர்ச்சிக்கப்படுவனவாம்.

பின், தனது பொன்முடியாகச் சூளாமணி எனும் பெரும்காப்பியத்தையே அணிந்துள்ளாள் தமிழன்னை. இவள் அரசியாக அமர்ந்து எந்தச் செங்கோலைக் கையில் ஏந்தியுள்ளாள் தெரியுமா? ‘நீதியொளிர் செங்கோலாய்’த் திருக்குறளைத் தாங்குகிறாள் இவள். தமிழன்னை செங்கோலோச்ச இதைவிடத் தகுதியான செங்கோல் எதுதான் உளது?

அத்தகைய தமிழ் நீடுவாழ்க!

🌴ஓலைச்சுவடிகள் எழுதுவதற்கு பயன்படுத்தப்படும், வாழ்நாளில் ஒரே ஒரு முறை மட்டும் பூக்கும், 

100 அடி உயரமுள்ள அரிய வகை கூந்தப் பனை மரம், பண்டைய காலங்களில் ஓலைச்சுவடிகள் எழுதுவதற்கு தேவையான ஓலைச் சுவடிகள் தாழிப்பனை மரங்களில் இருந்தே பெறப்பட்டன.

பனை குடும்பத்தில் மொத்தம் 21 வகையான மரங்கள் உள்ளன. இவற்றில், மிகவும் அரிதான மரம் தாழிப்பனை சாதாரண பனை மரத்தைப் போல் இல்லாமல் இந்த மரத்தின் மட்டை நீளமாக இருக்கும். சங்க காலத்தில் தென்னிந்தியாவில் தாழிப்பனை மரம் பரவலாக காணப்பட்டது. குறிப்பாக, தமிழ்நாடு, ஆந்திரா, கர்நாடக மாநிலங்களில் இந்த மரத்தை காண முடிந்தது. சாதாரண பனை மரம் வருடத்திற்கு ஒரு முறை காய் காய்க்கும்.

ஆனால், அரிய வகை மரமான தாழிப்பனை வாழ்நாளில் ஒரே ஒரு முறை மட்டுமே காய்க்கும் என்பது குறிப்பிடத்தக்கது. 

பண்டைய காலத்தில் ஓலை சுவடிகள் எழுத இந்த மரத்தில் இருந்து பெறப்படும் ஓலைகளைத்தான் பயன்படுத்த்தினார்களாம். இம்மரத்தின் ஓலைகளை பக்குவப்படுத்தி, சுவடிகள் எழுதப்பட்டன.தாழிப்பனை மரம் நன்கு வளர்ந்து 65 முதல் 70 ஆண்டுகளில் பூ பூக்கும். ஒரு முறை பூத்த பின், அந்த மரம் காய்ந்து விடும்.

*பட்டங்கள் ஆள்வதும் சட்டங்கள் செய்வதும்... பாரினில் பெண்கள் நடத்த வந்தோம்*

மனம்போல் வாழ்வு என்பது பெரியோர் வாக்கு. அதாவது – “நமது மனதில் நாம் என்ன நினைக்கிறோமோ அதைப்போலவே நமது வாழ்க்கை அமையும்” என்பது பெரியோர் அனுபவித்து நமக்கு அருளிய கருத்தாகும். நமது மனம் நல்லதாக இருந்தால் நமக்கு நிகழ்பவையெல்லாம் நல்லவையாகவே இருக்கும்.

குறுந்தொகை!

தமிழின் இனிமை, குறுந்தொகையின் அழகு!

எட்டுத்தொகையில் உள்ள நூல்களுள் ஒன்று. "நல்ல குறுந்தொகை" எனச் சிறப்பித்து உரைக்கப்படுவது. குறைந்த அடிகள் கொண்ட பாடல்களின் தொகுப்பாக இருப்பதால் இது குறுந்தொகை எனப் பெயர் பெற்றது. 

குறிஞ்சி - தலைவன் கூற்று

யாயும் ஞாயும் யாரா கியரோ

எந்தையும் நுந்தையும் எம்முறைக் கேளிர்

யானும் நீயும் எவ்வழி யறிதும்

செம்புலப் பெயனீர் போல

அன்புடை நெஞ்சம் தாங்கலந் தனவே.

-செம்புலப் பெயனீரார். (குறுந்தொகை - 40)

ஆதி மொழி!

2000 ஆண்டுகளுக்கு முன்னர் உலகில் ஆறே ஆறு சமுதாய மக்களே முக்கியமானவர்கள்.

1. *தமிழர்கள்*

2. *சீனர்கள்.*

3. *ஆரியர்கள்.*

4. *அரபியர்கள்.*

5. *ரோமர்கள்.*

6. *கிரேக்கர்கள்.*

 

கிரேக்கர்கள் தங்களை கிரேக்கர்கள் அழைத்துக் கொண்டதோடு மற்றவர்களை பிசாசுகள் என அழைத்தனர்.

ரோமர்கள் தங்களை ஆளப்பிறந்தவர்கள் எனவும் மற்றவர்கள் வாழத்தகுதியற்றவர்கள் எனக் கருதினர்.

அரபியர்கள் தங்களைப் பேசத்தெரிந்தவர்கள் எனவும் மற்ற மக்களை அஜமிகள் அதாவது ஊமையர்கள் எனவும் கூறினர்.

ஆரியர்கள் தங்களை உயர்ந்தவர்களாகவும் கடவுளுக்கு நிகரானவர்கள் என்றும் மற்றவர்களை மிலேச்சர்களாக அதாவது கீழானவர்களாகவும் கருதினர்.

சீனர்கள் தங்களை முதலாளிகளாகவும் மற்றவர்களை அடிமைகளாகவும் நடத்தினர்.

தமிழர்கள் மட்டும் '

*யாதும் ஊரே யாவரும் கேளிர்* என்றனர்.

ஏனென்றால் தமிழர்கள் மட்டும்தான் இந்த உலகில் இருக்கும் அனைத்து உயிர்களையும் நேசிக்க தெரிந்தவர்கள்.

*இதுவே தமிழர் பண்பாடு.*

# படித்ததில் பிடித்தது

உறவு!

நம்பிக்கை!

சோதிடம்!

ஜாதக பலன்கள்!

ஜாதக பலன்கள் தெரிந்து கொள்ள வேண்டும் என்றால் நமக்கு நினைவில் வருவது ராசி நட்சத்திரம் லக்கினம் ராசி கட்டம். 

ஆனால் இவை எல்லாம் இல்லாமலே, உங்களை பற்றி உங்கள் குணத்தை பற்றி ஒரு 25 % சரியாக சொல்ல முடியும்.

அவை தான் தினசுத்தி படலம்.

நீங்கள் பிறந்த வருடம் மாதம் கிழமை திதி கரணம் யோகம் ஓரை காலம் என உங்கள் ஜாதகத்தில் இருக்கும் ஒவ்வொரு வார்த்தைக்கும் ஒரு அர்த்தம் உண்டு. ஒரு பலன் உண்டு. 

உதாரணமாக 90s kid எனப்படும் 1989 ஏப்ரல் to 1990 ஏப்ரல் வரை சுக்கில வருடத்தில் பிறந்தவர்கள் ஒரு மனிதன் எப்படி வாழ வேண்டும் என்பதற்கு உதாரணமாக இருப்பார்கள். உண்மை நேர்மை என்று இருப்பார்கள். பயந்த சுபாகம் இருக்கும். எதிர்பாலினரிடம் மரியாதையாக நடந்து கொள்வார்கள்.

2k kids எனப்படும் 2000 ஏப்ரல் to 2001 ஏப்ரல் வரை  விக்கிரம வருடத்தில் பிறந்தவர்கள் சொகுசாக வாழ கூடியவர்கள். தாராள குணம் இருக்கும். 

80s kid எனப்படும் 1980 ஏப்ரல் to 1981 ஏப்ரல் வரை வரை ரவுத்ரி வருடத்தில் பிறந்தவர்கள் எளிமையாகவும் வெகுளியாகவும் இருப்பார்கள்.

அது போல மார்கழி மாதம் பிறந்தவர்கள் கை வைத்தியம் கற்றவர்களாக இருப்பார்கள். புரட்டாசி மாதம் பிறந்தவர்கள் கதைகள் படிக்க விருப்பம் உள்ளவர்களாக இருப்பார்கள்.

வெள்ளிக்கிழமை பிறந்தவர்களுக்கு ஆடை அலங்கார விருப்பம் இருக்கும்.

சாத்வீக குண வேளையில் பிறந்தவர்களுக்கு பொறுமை adjust பண்ற குணம் இருக்கும். 

பஞ்சமி திதியில் பிறந்தவர்களுக்கு எதிர்பாலின நட்பு அதிகம் இருக்கும்.

சகுனி கரணத்தில் பிறந்தவர்கள் அறிவாளியாக இருப்பார்கள் 

பிராம்ய யோகத்தில் பிறந்தவர்கள் சமூக சேவையில் ஈடுபாடு இருக்கும். அவர்களுக்கு செவ்வாய் யோகம் செய்யும் கிரகமாக இருக்கும்.

இப்படி உங்கள் ஜாதகத்தில் இருக்கும் ஒவ்வொரு விஷயமும் முக்கியமானவை தான். 

மேலோட்டமாக ஒரு ஜாதகம் பார்க்கும் போது அது யோகமாக தெரியும். ஆனால் கஷ்டப்பட்டு கொண்டு இருப்பார்கள். அல்லது கஷ்டப்படுற மாதிரி இருக்கும். கோடீஸ்வரர்களாக இருப்பார்கள். இப்படி பல விடை தெரியாத கேள்விகளுக்கு திதி  யோகம் என்று சகலத்தையும் ஆராய்ந்து பலன் எடுத்தால் விடை கிடைக்கும். ஆனால் அது கொஞ்சம் சிரமமான வேலையும் கூட.

#பிரதி

சதுரகிரி

#பிரதி

சதுரகிரி மலையில் தபசு குகைக்கு அருகில் கற்கண்டு மலைக்குக்கீழ் அடிவாரத்தில் சுணங்க விருட்சம் என்னும் மரம் உள்ளது.

இந்த மரத்தின் காய் நாய்க்குட்டி போலிருக்கும். அந்தக் காய் கனிந்து விழும்போது நாய்க்குட்டி குரைப்பதைப் போல் இருக்கும். விழுந்த கனி 10 வினாடிக்குப் பிறகுமறுபடியும் அம்மரத்திலேயே போய் ஒட்டிக்கொள்ளும்.

அதேபோல் ‘ஏர் அழிஞ்ச மரம்’ என்றொரு மரம் உண்டு. இந்த மரத்தில் காய்க்கும் காய் முற்றியவுடன் கீழே விழுந்து விடும். விழுந்த காய் காய்ந்து அதன் தோல் உரிந்தவுடன் மீண்டும் மரத்தில் போய் ஒட்டிக்கொள்ளும். இடையில் மழை, காற்றினால் மரத்தை விட்டு தள்ளிப்போய் இருந்தாலும் மேல் தோல் உரிந்தவுடன் மீண்டும் மரத்தில்

வந்து ஒட்டிக்கொள்ளும்.

இந்த ‘ஏர் அழிஞ்ச மரத்தின்’ கொட்டைகளை எடுத்து எண்ணையில ஊறவைத்து அதன் மூலம் கிடைக்கும் மையை உபயோகித்து வசியம் செய்வது ஒரு வகை.

சதுரகிரியில் நந்தீஸ்வரர் வனத்தில் கனையெருமை விருட்சம் என்றொரு மரமுண்டு. அம்மரத்தினடியில் யாராவது ஆட்கள் போய் நின்றால் அம்மரம் எருமை போல் கனைக்கும். அம்மரத்தை வெட்டினால், குத்தினால் பால் வரும்.

இதேபோல் மற்றொரு விருட்சம் மரமும் உண்டு. இந்தவிருட்சம் நள்ளிரவில் கழுதைப் போல் கத்தும். வெட்டினால் பால் கொட்டும். நவபாஷண சேர்க்கையில் இந்த விருட்சக மரத்தின் பாலும் முக்கியமான சேர்க்கையாகும்.

இவை எல்லாவற்றையும் விட தூக்கி சாப்பிடும் விஷயம் ஒன்று உள்ளது. மலையில் மிக அடர்ந்த பகுதியில் – ” மதி மயக்கி வனம்” என்ற பகுதி உள்ளது. இங்கே உள்ளே சென்றவர்கள் , மதியை மயக்கி அவர்கள் வெளியே வரவே முடியாது என்று கூறுகின்றனர். நான் கேள்விப்பட்ட வரை , எங்கள் அருகில் இருக்கும் கிராமத்துக் காரர் ஒருவர் வழி தவறி உள்ளே சென்று மாட்டிக்கொண்டு விட்டார். “மகாலிங்கம் காப்பாத்து, காப்பாத்து” என்று மூன்று நாட்கள் கதறி, ஒரு வழியாக அந்த வனத்திலிருந்து வெளியே வந்து விட்டார். அடர்ந்த காடு, நிறைய பூச்செடிகள் இருந்தது. எதுவும் கோவில் கூட இல்லை. ஆட்களே யாரும் இல்லை. பசியே தெரியவில்லை. வெளியே வந்தது ஆண்டவன் அருள் என்று, இன்றும் அவர் திரும்ப திரும்ப புலம்பிக் கொண்டே இருக்கிறார்.

இன்றும் அமாவாசை, பௌர்ணமி தினங்களில் – சித்தர்கள், ரிஷிகள் – மகாலிங்க பூஜை செய்ய வருகின்றனர். கூட்டம் கூட்டமாக நட்சத்திரங்கள் மலைப்பகுதிகளில் விழுகின்றன. வீடியோ காமிராக்களில் அதை நிறைய பகதர்கள் பதிவு செய்து இருக்கின்றனர். ஏற்கனவே நாம் ” கட்டை விரல் அளவில் காட்சி தந்த சித்தர் பற்றிய பதிவை வாசகர்களிடம் பகிர்ந்து கொண்டுள்ளோம். இவை அத்தனையும் சர்வ நிஜம். இறை நம்பிக்கை உள்ள பக்தர்கள் , வாழ்வில் ஒரு முறையேனும் இந்த மகாலிங்கத்தையும் , சந்தன மகா லிங்கத்தையும் – மனமுருக பூஜித்து வழிபட்டு வாருங்கள். நீங்கள் நினைத்ததை சாதிக்கும் வல்லமையை அந்த சிவம் உங்களுக்கு அளிக்கும்.

உங்கள் தேடல், பக்தி உண்மை எனில் – நீங்கள் மனதார நினைத்து வழிபாடு செய்யும் சித்தர் தரிசனம் உங்களுக்கு சதுரகிரியில் நிச்சயம் கைகூடும். இதை நிறைய பக்தர்கள் அனுபவித்து இருப்பதால் , இப்போதெல்லாம் சதுரகிரியில் கூடும் கூட்டத்திற்கு குறைவில்லை..

சாதாரண மலைகளைப் போலல்ல இது. வீரியம் நிறைந்த வினோதமான மலை. கணக்கற்ற இரகசியங்களைத் தன்னுள்ளே பொதித்துக் கொண்டு அமைதியாய்க் காணப்படும் அபூர்வ மலை.

சித்தர்களின் இராஜ்ஜியமாகவும், அபாயகரமான காட்டுவாழ் விலங்கினங்களின் புகலிடமாகவும், அபூர்வ சக்திகள் படைத்த மூலிகைகளின் வாழ்விடமாகவும் விளங்கும் இம்மலை, பரம்பொருள் சிவபரமாத்மாவின் அருட்கடாட்சம் பெற்றபடியால் சிவன்மலை என்றும் மகாலிங்க மலை என்றும் அழைக்கப்படுகிறது.

சிவனும் பார்வதி தேவியும் இங்கே நிரந்தரமாகத் தங்கியிருந்து பக்தர்களுக்கு அருள்பாலிப்பதாக சித்தர்களுக்கு வாக்குத் தந்திருப்பதால் இவ்விடம் தென்கயிலாயம் என்றும் அழைக்கப்படுகிறது.

இம்மலை அஷ்டமாசித்திகள் பெற்ற பதினெட்டு சித்தர்களின் தலைமையிடமாகவும், மற்றும் பல சித்தர்கள் கூடி தத்தம் ராய்ச்சிகளை விவாதிக்கும் இடமாகவும் அறியப்படுகிறது. இம்மலையிலுள்ள நூற்றுக்கணக்கான குகைகளில் தங்கியிருந்து சிவனை வணங்கி வழிபட்டு வந்ததுடன் மக்களின் நோய் தீர்க்கும், துன்பங்களைக் களையும் மருந்துகளைக் கண்டுபிடிக்கும் ராய்ச்சிகளிலும் சித்தர்கள் ஈடுபட்டு வந்துள்ளனர்.

சித்தர்பூமியாம் சதுரகிரியில் எண்ணற்ற மூலிகைகள் நிறைந்த வனம் உள்ளது. இன்றும் இம்மலையில் சித்தர் பெருமக்கள் அரூபமாக வாழ்ந்து வருவதாகக் கூறப்படுகிறது. சித்தர்களின் அதிர்வலைகள் மலையெங்கும் நிறைந்திருப்பதால் அதில் சிறிதாவது தமது உடலில் ஒட்டட்டும் என பக்தர்கள் விரும்பி இங்கு வருகின்றனர்.

Experience!

By Albert Einstein 

வாழ்க்கை!

தனக்கு நிகழும்வரை எல்லாமே வேடிக்கைதான்!

நவராத்திரி!

அம்பிகையைக் கொண்டாடும் காலம் நவராத்திரி. சிவனுக்கு ஒரு இராத்திரி சிவராத்திரி. ஆனால், அம்பிகைக்கு ஒன்பது இராத்திரி நவராத்திரி. அனைத்து இயக்கங்களுக்கும் ஆதார சக்தியாக இருப்பவள் அம்பிகையே.

நவ என்றால் ஒன்பது என்று மட்டுமல்லாமல், புத்துணர்ச்சி என்ற பொருளும் உண்டு. நவராத்திரி ஒன்பது நாள்களும் பூஜை செய்து தேவியை வழிபட்டால், நம் மனதில் புத்துணர்ச்சி பெருகும். மனம் செம்மையாகும். செம்மையான மனதின் எண்ணங்களும் செம்மையாகும். செயல்களும் செம்மையாகும்; வாழ்க்கையும் செம்மையுடன் சிறப்பாகும். நவகிரகங்களினால் ஏற்படக்கூடிய சகல விதமான தோஷங்களையும் நீக்கும்.  எனவே நவராத்திரி காலங்களில் அம்பிகையைப் பக்தி சிரத்தையுடன் வழிபடவேண்டும். 

கேதார கௌரி விரதம்!

கேதார கௌரி விரதம் சிவபெருமானை நோக்கி செய்யப்படும் விரதங்களில் ஒன்று,பொதுவாக பெண்கள் தனது கணவனுடன் இணைபிரியாது வாழவும், மணமாகத பெண்களாக இருந்தால் நல்ல கணவன் கிடைக்க வேண்டி விரதம் இருப்பார்கள்.

இமயமலை உள்ள கேதாரம் என்ற திருத்தலத்தில் சிவபெருமானை வணங்கி பார்வதி தேவி அதாவது "கௌரி "விரதத்தினை மேற்கொண்டார், அதனால் அந்த விரதத்திற்கு கேதார கௌரி விரதம் என்ற பெயர் வந்தது, இந்த விரதம் மேற்க்கொண்டதால் தான் உலகை காத்து இரட்சிக்கும் சிவபெருமானுக்கு சமமான நிலையில் அன்னை பார்வதிதேவி பராசக்தியாகப் போற்றப்படுகிறார்கள்.

சிவபெருமானை நினைத்து விரதம் இருந்து சிவனின் இடது பக்கம் பாதி உடம்பை பெறக்காரணம் கேதார கௌரி விரதமாகும்.

புரட்டாசி மாத சுக்கிலபட்ச தசமி முதல் சதுர்த்தசி (ஐப்பசி தீபாவளி அமாவாசை ) 29 நட்கள் விரதம் இருக்க வேண்டும், இந்த விரதம் எடுப்பவர்க்ள் சிவ-பார்வதியால் சகள சௌபாகியங்களும் பெற்று தீர்க்க சுமங்கலியாக வாழ்வார்கள் என புராணங்கள் கூறுகின்றன

தீபாவளிப் பண்டிகை பூஜைகள் முடிந்த பின் பூஜையறையில் விளக்கேற்றி சிவன் பார்வதி படத்தின் முன்பு அமர்த்தி தியானம் செய்ய வேண்டும், ஓம் நமச்சிவாய என்னும் மந்திரத்தை நாள் முழுவதும் துதிக்க வேண்டும்.

விரதம் ஆரம்பித்த நாளிலிருந்து 29 இழைகளைக் கொண்ட நூலில் நாள்தோறும் ஒவ்வொரு முடிச்சுகளாக இடப்பட்டு, இறுதி நாளில் அந்த நூலைக்கொண்டு ஆண்களின் வலது கையிலும், பெண்களின் இடதுகையிலும் அணிந்து கொள்வார்கள், மேலும் 20 நாளும் ஒரு பொழுது, உணவருந்தி சதுர்த்தசி அன்று உபவாசம் இருந்து மறுநாள் காலை சூரிய உதயதிற்கு முன் குளித்து முடித்து உணவருந்தி விரதத்தை முடிப்பார்கள்.